ელჩის მისასალმებელი სიტყვა

კეთილი იყოს თქვენი მობრძანება თბილისში დანიის სამეფოს საელჩოს ოფიციალურ ვებგვერდზე.

საელჩოში ჩვენ ვმუშაობთ დანიას, საქართველოსა და სომხეთს შორის თანამშრომლობისა და ურთიერთობების განმტკიცებისთვის და ჩვენი ქვეყნების სამოქალაქო საზოგადოებას, ორგანიზაციებსა და კომპანიებს შორის ახალი პარტნიორული ურთიერთობების ჩამოყალიბებისთვის. სამეზობლო პროგრამა და ახალი დემოკრატიის ფონდი წარმოადგენს იმ ორ ინიციატივას, რომელიც მხარს უჭერს ზემოხსენებულს. დეტალური ინფორმაცია შეგიძლიათ წაიკითხოთ აღნიშნულ ბმულზე.

ჩვენ ასევე აქტიურად ვმუშაობთ, რათა დავეხმაროთ დანიურ კომპანიებს ქართულ და სომხურ ბაზრებზე დამკვიდრებასა და ოპერირებაში. განსაკუთრებული ყურადღება ეთმობა კლიმატის ხელშეწყობასა და მწვანე განვითარებას, რაც ვაჭრობის ხელშეწყობის, თანამშრომლობისა და სინერგიისთვის ქმნის კარგ შესაძლებლობებს. ამავდროულად, ჩვენ ორგანიზებას ვუწევთ კულტურულ ღონისძიებებს, რათა გავზარდოთ ცნობადობა დანიისა და დანიური კულტურის შესახებ ქართულ და სომხურ მოსახლეობაში. 
 
ბევრი დანიელი მოგზაურობს საქართველოში დასასვენებლად, რათა ისიამოვნონ საქართველოს ლამაზი ბუნებით, ფანტასტიური სამზარეულოთი და მომხიბლავი ისტორიით. საჭიროების შემთხვევაში, ჩვენი საელჩო დახმარებას უწევს საქართველოსა და სომხეთში მცხოვრებ თუ დროებით მყოფ დანიის მოქალაქეებს.

აღნიშნულ ვებგვერდზე თქვენ შეგიძლიათ მიიღოთ მეტი ინფორმაცია საქართველოსა და სომხეთში დანიის მიერ განხორციელებული და მიმდინარე აქტივობების შესახებ და ასევე მიიღოთ უახლესი ინფორმაცია ჩვენი საელჩოს საქმიანობაზე.  
თქვენ ასევე შეგიძლიათ თვალი ადევნოთ საელჩოს აქტივობებს შემდეგ სოციალურ პლატფორმებზე: Facebook, LinkedIn and Twitter, სადაც ჩვენ რეგულარულად ვაახლებთ ინფორმაციას ჩვენი ღონისძიებების შესახებ. 
დამატებითი კითხვების შემთხვევაში, გთხოვთ, მოგვმართოთ. 

კეთილი სურვილებით,

ანნე ტოფტ სორენსენი
დანიის ელჩი საქართველოსა და სომხეთში

აქ შეგიძლიათ გაეცნოთ ელჩის ბიოგრაფიას.